હિન્દ ન્યુઝ, જામનગર
સાંસદ પૂનમબેન માડમ દ્વારા જામનગર હરીયા કોલેજ ખાતે નિઃશૂલ્ક મેગા સર્વરોગ નિદાન કેમ્પનું આયોજન નિષ્ણાંત ડોકટરો દ્વા૨ા નિદાન અને નિઃશૂલ્ક દવાઓ
જામનગર જામનગર-દેવભૂમિ દ્વારકા જીલ્લાના સાંસદશ્રી પૂનમબેન માડમ તેમના વિસ્તારમાં વિવિધ ક્ષેત્રે લોકોને કોઈને કોઈ રીતે સહાયરૂપ થઈ સેવાકીય કાર્યો અવીરત પણે કરતા આવ્યા છે. ગત વર્ષે ૨ દિવસ માટે જામનગર ખાતે નિઃશૂલ્ક મેગા સર્વરોગ નિદાન કેમ્પ યોજાયેલ હતો તે જ રીતે ચાલુ વર્ષે પણ દેશના યશસ્વી વડાપ્રધાન આદરણીય નરેન્દ્રભાઈ મોદી ના ૭૩ માં જન્મદિવસ નિમિતે સેવા પખવાડીયા અંતર્ગત આગામી તા.૨૩/૦૯/૨૦૨૩ શનિવારના રોજ હરીયા કોલેજ, ગોકુલનગર, જામનગર ખાતે સમય સવારના ૯.૦૦ થી સાંજે : ૬.૦૦ કલાક સુધી સ્વ.હેમતભાઈ રામભાઈ માડમ મેમોરીયલ ટ્રસ્ટ અને શિવાની ફાઉન્ડેશન પ્રાયોજીત સર્વરોગ નિદાન કેમ્પનું આયોજન થયેલ છે. જામનગર– દેવભૂમિ દ્વારકા જીલ્લાના લોકપ્રિય સાંસદ પૂનમબેન માડમ દ્વારા આયોજીત આ સર્વરોગ નિદાન કેમ્પમાં નામાંકિત નિષ્ણાંત ડોકટરો દ્વારા રોગનું નિદાન કરી જરૂરી દવાઓ નિઃશૂલ્ક પુરી પાડવામાં આવશે. આ કેમ્પનો બહોળી સંખ્યામાં લોકોને લાભ લેવા જાહેર જનતાને અનુરોધ કરવામાં આવેલ છે.
